Потпишан меморандумот за модернизација на државната администрација

Скопје, 02 февруари 2011

Министерството за информатичко општество и администрација и Владата на Обединетото Кралство потпишаа меморандум за соработка, за проектот „Поддршка кон процесот на модернизација на државната администрација“.

Ивановски: Драстично ќе го смениме концептот на функционирање на јавната администрација
Скопје, 20 јануари 2011

Реформите во администрацијата во наредните три до четири години ќе одат со брзо темпо и ќе има голем број проекти што драстично ќе го сменат концептот на функционирањето на јавната администрација во Македонија. Со новиот начин на живеење станува потреба државата да прави реформи со цел да може да им излезе во пресрет на барањата на граѓаните и, пред се, на бизнис заедницата, најавува министерот за информатичко општество и администрација Иво Ивановски во интервју за МИА.

Конститутивна седница на Управниот Одбор на МАРНет

Скопје, 18 јануари 2011

На 17.01.2011 во 14:00 часот во просториите на Министерството за информатичко општество и администрација беше одржана конститутивната седница на Управниот Одбор на МАРНет.

 

На состанокот беа верификувани мандатите на членовите на  Управниот Одбор  на МАРНет.

Членови на Управниот Одбор  на МАРНет се :

СООПШТЕНИЕ ДО ЈАВНОСТА ВО ВРСКА СО МАРНет

Со одлука на Уставниот суд на Македонија донесена на 22.12.2010 година и објавена во Службен весник бр. 171 од 30.12.2010 година, се укинува Правилникот за организација и управување со врвниот македонски домен МК во областа на Интернет и за користење на поддомените во него, донесен од Управниот одбор на МАРНет во 2004 година.

Купувањето преку интернет се уште мало, има услови за подобрување

Скопје, 17 јануари 2011

Купувањето преку интернет во Македонија се уште е на ниско ниво, иако има услови тоа да функционира, но постојат и можности за негово подобрување, покажува Извештајот за состојбата со електронската трговија што го изготви УСАИД на барање на Министерството за информатичко општество и администрација

МИОА ќе создава стручна ефикасна и одговорна администрација

Скопје, 11 јануари 2011

Следејки ги препораките од европските држави, во Република Македонија се формира Министерство за информатичко општество и адмнистрација, ќе ги спроведува реформите и во јавната администрација, соопшти министерот Ивановски.

-Владата на Република  Македонија врз основа на експертски и компаративни искуства, процени дека реформата на јавната администрација, треба да се концентрира во еден орган, со цел стратегиски и плански да се превземат организирани и координирани мерки за имплементација на овој процес, изјави министерот.

Македонија очекува раст на информатичко-комуникациските услуги

Скопје, 23 декември 2010

- Во 2011 година очекуваме многу поголем раст на софтверот во однос на минатото и пораст во нудењето услуги. Тоа е наш приоритет зашто додадената вредност токму на овие два сегмента на пазарот е најголемо, не само во Македонија, туку и во светски рамки. ИКТ пазарот ќе продлжи да расте. И лани бевме единствена земја која немаше пад како Србија, БиХ, Црна Гора, Словенија и Хрватска, напротив, забележавме пораст, изјави министерот за информатичко општество Иво Ивановски при денешната посета на ИКТ Компанијата „Кабтел“. 

Министерот Ивановски во посета на специјализираните ИТ обуки за невработени лица

Скопје, 21 декември 2010

Министерот за информатичко општество, Иво Ивановски, денеска ги посети специјализираните обуки за информатичка технологија (ИТ), наменети за невработените лица што се одржуваат во фирмата Некст Сенс.

Ивановски нагласи дека целта на овој проект, е преку обуки за стекнување вештини за информациски технологии, невработените граѓани активно да се вклучат во ИТ секторот, а Некст Сенс е една од компаниите за спроведувањена овие обуки.

Промовиран првиот македонски суперкомпјутер

Охрид, 20 декември 2010

Министерот за информатичко општество Иво Ивановски денеска во Охрид го пушти во употреба првиот македонски суперкомпјутер. Станува збор за систем за паралелно процесуирање, изработен од студентите и професорите на Универзитетот за информатички науки и технологии  „Свети  Апостол Павле“ во Охрид, составен од 256 процесорски единици и капацитет на обработка на три илјади милиони пресметки во секунда.

Средба на министерот Иво Ивановски со Кевин Митник, најпознатиот (поранешен) светски хакер

Скопје, 13 декември 2010

Денес,  13 декември, министерот за информатичко општество м–р Иво Ивановски се сретна со Кевин Митник, најпознатиот (поранешен) светски хакер кој за првпат е во Македонија.

На средбата беше разговарано за компјутерската безбедност и трендовите за нејзино зајакнување во светски рамки.

 

Г. Кевин Митник на 15-16.12.2010г. ќе одржи предавања за двете негови најпродавани книги: „Уметност на измама“ и „Уметност на пробивање“.

Средба на министерот Ивановски со амбасадорот на Велика Британија

Скопје, 25 ноември 2010

Почитувани,

 

Денес, министерот за информатичко општество м–р Иво Ивановски се сретна со амбасадорот на Велика Британија, г–динот Ивон Кристофер.

 

На средбата беше разговарано за реформите во јавната администрација и понатамошната поддршка на Велика Британија во ова поле.

Syndicate content