Шаќири во Куманово: Чекориме напред со процесот на дигитализација

Куманово, 29 јануари 2021

Денес министерот Јетон Шаќири го промовираше центарот “Една точка за услуги” во Куманово. По Скопје и Тетово, овој е трет центар отворен по ред, кој го ставаме во функција.
Притоа министерот Шаќири изјави: „Во овој настан бев придружен од градоначалникот на општина Куманово, г-дин Максим Димитриевски и пратеникот на ова зона, г-дин. Берат Ајдари. За да ја тестирам функционалноста на овој центар, побарав 2 услуги, коишто ги добив брзо и ефикасно. Овој проект има за цел да им обезбеди на граѓаните подобри, поевтини и поефикасни услуги. Исто така, оваа точка за услуги им овозможува на граѓаните да добијат услуги и информации од државните и јавните институции. Во моментов нудиме 62 директни услуги и над 800 потребни информации за добивањето на услугите. Соработуваме со институциите како што се Министерството за внатрешни работи, Управата за јавни приходи, Агенцијата за катастар и недвижности итн., И за многу кратко време имаме за цел да го зголемиме бројот на нашите услуги со над 20 услуги.
До крајот на август имаме за цел овој број да се зголемува за околу 40 услуги, додека до крајот на проектот имаме намера да бидат достапни уште 135 услуги. Дозволете ми да кажам дека нашите центри за услуги во градовите Битола и Охрид се скоро подготвени и за краток временски период ќе ги промовираме. Но, ние не застануваме тука. Планираме да отвораме сервисни центри за услуги во градови со над 25.000 жители, како што се Струга, Кичево, Струмица, Велес, Гостивар итн.
Нагласувам дека нема да ги заборавиме градовите со население помалку од 25.000 жители. Овие градови ќе ги опремиме со уреди кои се нарекуваат “документомати” за издавање на документи, преку кои граѓаните ќе можат да ги добиваат потребните услуги„ рече министерот Шаќири.

Министерство за информатичко општество и администрација

МИНИСТЕР

Министер за информатичко општество и администрација

Search form