Министерот Шаќири утре ќе учествува на Министерска тркалезна маса во рамки на Глобалниот самит за Отворено владино партнерство во Сеул
Утре, 14.12.2021 година, во Сеул, Република Кореја, ќе се одржи Глобалниот самит за Отворено владино партнерство, во виртуелна форма, на кој како говорник ќе учествува министерот за информатичко општество и администрација Јетон Шаќири.
Самитот ќе обезбеди платформа и моментум за размислување за напредокот на ОВП во првата деценија и претставување на визијата за иднината.
Глобалните самити на ОВП историски даваат можност претставниците на владите, граѓанското општество и други да споделат искуства, најдобри практики и напредок во иницијативите и спроведувањето на отворена влада.
Сесијата за Источно партнерство и Западен Балкан, на којашто ќе се обрати министерот Шаќири, ќе се одржи од 14:00 до 16:00 часот.
Сесијата можете да ја следите на следниот линк: https://opengovpartnership-org.zoom.us/webinar/register/WN_FyLbqcF5SQmF1...
