Министерот Алити ја пречека на работна средба претставничката на ИОМ и УНФПА
Скопје, 9 декември 2022
Министерот за информатичко општество и администрација, Адмирим Алити денеска на работна средба ја пречека претставничката на ИОМ - Меѓународна организација за Миграција и на УНФПА во Република Северна Македонија, г-ѓа Соња Божиновска Петрушевска, која достави поддршка до МИОА во натамошното зајакнување на процесот на собирање податоци, анализа и размена преку порталот uslugi .gov.mk
Поддршката е обезбедена во рамките на заедничкиот проект на ОН „Миграциски дискурс, политики и планирање базирано на докази во Северна Македонија“ поддржан од повеќепартнерскиот Фонд за миграција.
Заедничкиот проект на ОН има за цел да обезбеди поддршка за Северна Македонија во областа на дизајнирање и имплементација на миграциската политика, напредокот на институционалните механизми за собирање и размена на податоци, како и спроведување на информативни активности во однос на развојниот придонес. на мигрантите.
Министерот Алити и се заблагодари за поддршката, нагласувајќи дека Република Северна Македонија ги презема неопходните чекори кон подобрување на состојбата преку процесите на дигитализација. Националниот портал uslugi.gov.mk е ставен во служба на граѓаните, но и на мигрантите.
